PAK india WAR

•  اگر آپ کو سچ مچ بھارت پر شدید غصہ ہے تو اپنی جنگ کا آغاز ابھی ابھی کر دیں ۔
• تمام انڈین گانے،ڈرامے، فلمیں، رسالے،لباس ،جیولری اور خاص کر رسومات کو اپنی زندگی سے فوری نکال پھینکیں۔
• جنگ کر کے انڈیا کو ہرا دینے کا ولولہ رکھنے والوں سے صرف ایک سوال ہے کہ کیا خاندان کی کسی شادی میں مہندی مایوں ہاتھ برتانا گود بھرائ جیسی انڈین رسموں کے خلاف کبھی اعلان جنگ کیا ہے؟ 
• انڈین واہیات گانوں پر ناچتے دوستوں یا رشتہ داروں کی محفل کو ٹھوکر ماری ہے؟
• جنگ صرف سرحدوں پر اور ہتھیاروں ہی نہیں لڑی جاتی بلکہ اپنے نفس سے لڑ کر شکست دے کر رب کے حضور سچی توبہ کر کے اللہ تعالٰی کی رضا سے لیس ہونے کے ساتھ سینہ سپر ہوئے کی ضرورت ہے ۔ اللہ کی رضا اور مدد کے بغیر نصرت کا تصور خود کو دھوکہ دینے کے مترادف ہے ۔اللہ تعالٰی ہمارا حامی و ناصر ہو ۔

علامہ جلال الدین رومی سے چند سوالات

علامہ جلال الدین  رومی سے چند سوالات پوچھے گئے ۔ جن کے انہوں نے بہت خوبصورت مختصر اور جامع جوابات عطا فرمائے جو بالترتیب پیشِ خدمت ہیں:

*1- زہر کسے کہتے ہیں؟*
ہر وہ چیز جو ہماری ضرورت سے زائد ہو، وہ ہمارے لئے زہر ہے خواہ وہ قوت و اقتدار ہو، دولت ہو، بھوک ہو،انانیت ہو، لالچ ہو، سستی و کاہلی ہو، محبت ہو، عزم و ہمت ہو، نفرت ہو یا کچھ بھی ہو۔

*2- خوف کس شئے کا نام ہے؟*
غیرمتوقع صورتِ حال کو قبول نہ کرنے کا نام خوف ہے۔ اگر ہم غیر متوقع کو قبول کر لیں تو وہ ایک ایڈونچر ایک مہم جوئی میں تبدیل ہوجاتی ہے۔

*3- حسد کسے کہتے ہیں؟*
دوسروں میں خیر اور خوبی کو تسلیم نہ کرنے کا نام حسد ہے۔ اگر ہم اس خوبی کو تسلیم کرلیں تو یہ رشک اور انسپریشن بن کر ہمارے لئے ایک مہمیز کا کام انجام دیتی ہے۔

*4- غصہ کس بلا کا نام ہے؟*
جو امور ہمارے قابو سے باہر ہوجائیں، ان کو تسلیم نہ کرنے کا نام غصہ ہے۔ اگر ہم تسلیم کرلیں تو عفو درگزر اور تحمل اس کی جگہ لے لیتے ہیں۔

*5- نفرت کسے کہتے ہیں ؟*
کسی شخص کو جیسا کہ وہ ہے، تسلیم نہ کرنے کا نام نفرت ہے۔ اگر ہم غیر مشروط طور پر اسے تسلیم کرلیں قبول کرلیں، تو اسے محبت کہیں گے۔

راشد منہاس کا 45 واں یوم شہادت

وطن کی خاطر جان کی قربانی دینے والے پاک فضائیہ کے شاہین راشد منہاس کا 45 واں یوم شہادت آج بھر پور انداز میں منایا جا رہا ہے۔

پاک فضائیہ کے آفیسر پائلٹ راشد منہاس سترہ فروری 1951 کو کراچی میں پیدا ہوئے، انہوں نے جامعہ کراچی سے ملٹری ہسٹری اینڈ ایوی ایشن ہسٹری میں ماسٹرز کیا۔

راشد منہاس نے تیرہ مارچ 1971 کو پاک فضائیہ میں بطور کمیشنڈ جی ڈی پائلٹ شمولیت اختیار کی۔

بیس اگست 1971 کو T-33 ٹرینر کی پرواز میں فلائٹ لیفٹنینٹ مطیع الرحمان بھی ان کے ساتھ سوار ہوا، مطیع نے اپنے مذموم مقاصد کے لئے نوجوان پائلٹ پرضرب لگائی اور طیارے کا رخ ہندوستان کی جانب موڑ لیا۔

طیارہ ہندوستان کی جانب رواں دواں تھا کہ اس اثناء میں راشد منہاس کو ہوش آگیا اور انہیں اندازہ ہوگیا کہ طیارہ اغواء کرلیا گیا ہے۔

راشد منہاس نے اس موقع پر پی اے ایف مسرور بیس میں صبح ساڑھے گیارہ کے قریب رابطہ کیا اور طیارے کے اغواء سے متعلق آگاہ کیا۔

اس موقع پر راشد اور مطیع کے درمیان جھڑپ شروع ہوگئی اور انہوں نے مطیع کو اس کے مذموم مقصد میں کامیاب نہ ہونے دیا اور طیارہ ہندوستان کی سرحد سے چالیس کلومیٹر کے فاصلے پر زمین بوس ہوا جہاں راشد منہاس نے شہادت کا رتبہ حاصل کیا۔

راشد منہاس شہید نے اپنی جان قربان کرکے ملک کے دفاع اور حرمت کی لاج رکھ لی۔

ان کی بے مثال قربانی پر حکومت پاکستان نے انھیں اعلیٰ ترین فوجی اعزاز نشانِ حیدر سے نوازا اور اٹک میں قائم کامرہ ایئر بیس کو ان کے نام سے منسوب کردیا، قوم کوعظیم سپوت کی قربانی اور کارنامے پر ہمیشہ فخر رہے گا۔