محمد مصطفیٰ صلی اللہ علیہ وسلم

وہ تیئیس سال کے مختصر عرصہ میں دنیا کو تبدیل کردینے والا
وہ فقر کو اختیار کرکے فقیروں کو غنی کرنے والا
وہ راتوں کو اُٹھ کر میرے اور آپ کیلیئے رونے والا
وہ سینکڑوں سال پہلے ہماری بخشش کیلیئے خدا سے گھنٹوں دعائیں مانگنے والا
وہ نماز میں کھڑے کھڑے پاؤں سُجا لینے والا
وہ ہنس کر روشنیاں بکھیرنے والا
وہ رو کر غم کو اپنے سینے میں سما لینے والا
وہ امت کے غم میں ہلکان ہوجانے والا
وہ چڑیا کے بچوں کو دیکھ کر بےقرار ہونے والا
وہ آنکھوں سے انسان کو مسحور کردینے والا
وہ امام الانبیاء
وہ خاتم الرسل
وہ دنیا کا سب سے بڑا لیڈر
وہ دنیا کا سب سے عظیم استاد
وہ دنیا کا کامیاب ترین حکمران
وہ دنیا کا زیرک ترین سیاستدان
وہ بے مثال شوہر
وہ باکمال باپ
وہ قابل فخر نانا
وہ پیرِ کامل
وہ جس کی محبت مری رگ رگ میں شامل
وہ چلے تو فاصلے سمٹ کر معراج بن جائیں
وہ رکے تو زمانہ سانس لینا بھول جائے
وہ قدرت پا لینے کے بعد غلاف کعبہ پکڑ کر جانی دشمنوں کو معاف کرنے والا
وہ پتھر کھا کھا کر دعائیں دینے والا
وہ بادشاہ ہو کر بھی عامی کی زندگی گزارنے والا
وہ قاسم ہو کر بھی پیٹ پر پتھر باندھنے والا
وہ چاند کے دو ٹکڑے کرنے والا
وہ ٹوٹے دلوں کو جوڑنے والا
وہ یتیموں کے سر پر ہاتھ رکھنے والا
وہ بن ماں باپ کے بچے کو اپنا بچہ بنا لینے والا
وہ دشمنوں کو زیر کرنے والا
وہ پیار کرنے والا
وہ شافع میرا آخری سہارا
وہ میری آخری امید
میری منزل
میرا پیار
میری جان، میرا مال، میرا لہو، میرے ماں باپ، میری زندگی اس پر قربان
وہ جس کی تعریف ممکن نہیں
وہ جس کی توصیف کی ہمت نہیں
میرا نبی
میرا فخر
سرور کونین
وجہِ کائنات
محمد مصطفیٰ
صلی اللہ علیہ وسلم
لا یمکن الثناء کما کان حقہ
بعد از خدا بزرگ توئی قصہ مختصر

دنیا عبرت کی جگہ ہے تماشا نہیں ہے

جہاز میں موجود مسافر چلا رہے ہیں جب پائلٹ نے بتایا کہ موت قریب ہے،

جب طیارے میں سوار مسافروں کو بتایا گیا کہ اب دنیا سے آخرت کی طرف روانگی ہے، جہاز اب چترال سے اسلام آباد نہیں آج کی منزل کہیں اور ہے جہاں ہر کسی نے جانا ہے،

وہ چیخیں مسافروں کی آہیں سب اپنے آپ کو موت کی جانب جاتے ہوئے رو رہے ہیں کوئی کلمہ پڑھ رہا ہے کوئی اللہ کو یاد کر رہا ہے ایسی چیخیں نکل رہی ہیں اور کوئی ایسا مسافر نہیں ہے جو خاموش رہا ہو،

دوستو زندگی یہی ہے آپ جتنا جھوٹ بولیں جتنا فریب کریں لوگوں کو بلیک میل کرکے اپنے مقاصد حاصل کریں اور لوگوں کے حقوق پر ڈاکہ  ڈالہ روزگار چھینیں شراب زناخوری چوری کریں

ظلم جبر کریں لیکن آپ تکبر میں اتنا آگے نکل جائیں گے کہ آپ کو توبہ اور کیے ہوئے گناہوں کی معافی مانگنا بھی نصیب نہیں ہوگی

آپ کا موت وقت پر لکھا گیا ہے ایک دن آپ نے اس فانی دنیا کو چھوڑنا ہوگا

پھر قبر ہوگی جہاں ہمارے اعمال سانپ بچھو بن کر ہمیں ہی ڈسیں گے پھر دوزخ ہوگی جہاں کی آگ ایسی ہے اگر اس آگ کا ایک انگارہ کرہ ارض پر گری تو پوری دنیا جل کر خاک بن جائے گی،

اللّہ نے سب کی موت لکھی ہوئی ہے مگر حادثے اور دیگر طریقوں سے اموات دیکر اللہ پاک ہمیں ہوشیار کرنا چاہتے ہیں کہ میرے بندی توبہ کریں
دنیا میں انصاف کریں کسی کا دل نہ دکھائیں

دعا کریں اللہ پاک حادثے کے شکار تمام مسافروں کو جنت الفردوس میں جگہ نصیب کریں اور صراط مستقیم پر چلنے کی توفیق عطا فرمائے آمین یا رب العالمین،

جنید جمشید سے ملاقات

 "

جب وہ سے ثناخواں بنا"

طارق جمیل صاحب فرماتے ہیں!
پہلی بار جب جنید جمشید  سے ملاقات ہوئی تو کہنے لگا!
مولانا صاحب! دولت ' حسن اور دنیا کی رنگینیاں میرے گرد رقص کررہی ہیں مگر مجھے دل کا سکون نہیں ملتا'بے چین رھتا ہوں'یوں لگتا ھے جیسے میں وہ کشتی ہوں جسکا کوئی کنارہ نہیں ھے' ایسا کیوں ھے؟
مولانا نے فرمایا! دیکھو جنید درد دائیں گھٹنے میں ھے دوا بائیں گھٹنے پہ لگاو گے تو درد ختم نہیں ھوگا'درد روح کا ھے اور تم دوا جسم کو دے رھے ہو' یہاں سے جنید کی زندگی میں انقلاب آیا پھر چند دن بعد مجھے جنید جمشید کی کال آئی!
کہا مولانا صاحب آج ایک پرانی مسجد کی ٹوٹی ھوئی چٹائی پہ لیٹا ھوں'خدا کی قسم بڑے محلات میں جو نہیں ملا وہ سکون آج یہاں محسوس کررھا ہوں-میں آج بہت خوش ھوں-
آہ وہ تو بہت خوش ھوکر گیا مگر کروڑوں دلوں کو جدائی کا درد دے گیا-
انا للہ وانا الیہ راجعون
اللہ پاک جنید بھائی کو اپنی رحمت میں جگہ دے- آمین.

دلچسپ کرکٹ ریکارڈز

کچھ ایسے دلچسپ کرکٹ ریکارڈز جو شاید کبھی نہ ٹوٹ پائیں
اس میں کوئی شک نہیں کہ دوسرے کھیلوں کی طرح کرکٹ بھی اعداد و شمار اور ریکارڈز کا کھیل ہے۔ بہت سے ایسے معروف ریکارڈز بھی ہیں جو ناقابل تقلید ہیں اور شاید وہ کبھی نہ ٹوٹ پائیں۔ ۔

ون ڈے کی بہترین کفایتی باؤلنگ 

1992ء میں سڈنی کے مقام پر پاکستان کے خلاف ویسٹ انڈیز کے سمنز نے دس اوور کروائے۔ آٹھ میڈن رہے جبکہ تین رنز دیکر انہوں نے چار کھلاڑی آؤٹ کیے۔ یہ کسی بھی ون ڈے میچ کی سب سے زیادہ اکنامک باؤلنگ ی ریٹ ہے۔ قیاس ہے کہ یہ ریکارڈ بھی کبھی ٹوٹے گا نہیں۔
بہترین باؤ لنگ ایکوریسی
یہ بالکل ایک حیران کن ریکارڈ ہے کہ ویسٹ انڈیز کے مائیکل ہولڈنگ نے 5473 گیند یعنی 900 سے زائد ایسے اوور کروائے ہیں جن میں ایک بھی وائیڈ بال شامل نہیں۔ یہ اوورز زیادہ تر ون ڈے میچز کے ہیں۔ مائیکل ہولڈنگ کی بالنگ میں رفتار اور ایکوریسی ہمیشہ دوسروں کیلئے قابل تقلید رہی ہے۔ موجودہ باؤلرز کی کارکردگی کو دیکھتے ہوئے یہ کہا جا سکتا ہے کہ مائیکل ہولڈنگ کا یہ ریکارڈ شاید کبھی نہ ٹوٹ پائے۔
بڑے مارجن سے شکست ( بہت ہی حیران کن ۔۔۔ایسا بھی ہوتا ہے)
پاکستان کی ڈومیسٹک کرکٹ میں چار دسمبر 1964ء کو پاکستان ریلوے نے ڈیرہ اسماعیل خان کی ٹیم کو ایک اننگز اور851 رنز سے شکست دیکر ایسا ریکارڈ بنایا جو شاید توڑنا ناممکن ہے۔ ریلوے کپتان بشیر حیدر نے ٹاس جیت کر بیٹنگ کا فیصلہ کیا اور چھ وکٹوں پر 910 رنز بنائے۔ جواب میں مخالف ٹیم محض پہلی اننگز میں 32 اور دوسری اننگز میں27 رنز بنا کر آؤٹ ہوگئی۔
سب سے زیادہ مسلسل ٹیسٹ میچز
یہ ایک شاندار ریکارڈ ہے کہ آسٹریلیا کے بہترین کپتانوں میں سے ایک ایلن بارڈر نے 10 مارچ 1979ء سے لیکر 25 مارچ تک مسلسل 153 ٹیسٹ میچ کھیلے ہیں۔ ان کے بعد انہی کے ہم وطن سٹیووا کا نام آتا ہے جومسلسل 107 ٹیسٹ میچ کھیل کر اس ریکارڈ کا حصہ بنے ۔ اس وقت ایلسٹر کک وہ کھلاڑی ہیں جو اس ریکارڈ کو برابر یا توڑ سکتے ہیں۔ ان کی اس وقت عمر 30 برس ہے۔
طویل العمری میں ٹیسٹ ڈیبیو (ڈیبیو کا مطلب اپنا پہلا انٹرنیشنل میچ کھیلنا)
جیمز ساؤتھرٹن نے 49 برس 119 دنوں میں انگلینڈ کی طرف سے ٹیسٹ ڈیبیو کر کے ریکارڈ بنایا۔ وہ ٹیسٹ ڈیبیو کرنے والوں میں سب سے طویل العمر کرکٹر ہیں اور کوئی نہیں کہہ سکتا کہ یہ ریکارڈ ٹوٹ سکتا ہے۔
سیریز میں زیادہ سے زیادہ وکٹیں
لیگ بریک باؤلرز میں سے ایک بہترین نام سڈنی ہارنز ہے ۔ اس نے ایک ٹیسٹ سیریز میں سب سے زیادہ وکٹیں لیکر ریکارڈ بنایا ہے۔ انہوں نے 1913-14 میں جنوبی افریقہ کے خلاف 4ٹیسٹ میچز کی سیریز میں 49 وکٹیں حاصل کی تھیں۔ اس سیریز میں انہوں نے 7 مرتبہ پانچ وکٹ حاصل کیے۔ اس بنا پر مبصرین نے انہیں صدی کا بہترین باؤلر قرار دیا ہے۔ ان کے بعد انگلینڈ کے جم لیکر نے 46 وکٹیں حاصل کیں۔ یہ کارنامہ 1956ء میں آسٹریلیا کے خلاف ایشز سیریز میں انجام دیا تھا۔ ان کے بعد شین وارن کا نام آتا ہے جنہوں نے 2005ء کی ایشنز سیریز میں انگلینڈ کے خلاف 40 وکٹ حاصل کیے تھے۔
پہلے ہی ٹیسٹ میچ میں ڈبل سنچری
ٹیسٹ ریکارڈ کے مطابق کرکٹ کی تاریخ میں صرف ایک مرتبہ ایسا ہوا ہے کہ لارنس اے نے ویسٹ انڈیز کی طرف سے نیوزی لینڈ کے خلاف پہلی اننگز میں 214 رنز جبکہ دوسری اننگز میں 100 رنز بنائے۔ یہ میچ 1971-72 میں کھیلا گیا۔ ان کے بعد پاکستان کے یاسر حمید وہ بلے باز ہیں جنہوں نے پہلے ٹیسٹ میچ کی دونوں اننگز میں سنچریاں بنائیں۔ 2003ء میں بنگلہ دیش کے خلاف پہلے ٹیسٹ کی پہلی اننگز میں 107 اور دوسری اننگز میں 105 رنز بنائے تھے۔
شاندار باؤلنگ، دس وکٹیں صرف دس رنز کے عوض
1932ء میں ناٹنگم شائر کے خلاف معروف کاؤنٹی یارک شائر کے ہیڈلے ورٹی نے دس رنز کے عوض دس کھلاڑیوں کو آؤٹ کر کے تاریخ ساز ریکارڈ بنایا۔ انہیں یہ اعزاز بھی حاصل ہے کہ انہوں نے بریڈمین کو ایک سے زائد بار آؤٹ کیا۔
ایک اننگز میں زیادہ سے زیادہ باؤلنگ
1957ء میں ایجسٹن میں سنی رام دین نے انگلینڈ کے خلاف 588 گیندیں یعنی 98 اوورز کروائے۔ ان کے علاوہ آج تک کوئی بھی باؤلر 90 اوورز سے زائد بائولنگ نہیں کروا سکا۔
مختصر ترین ٹیسٹ میچ
ٹیسٹ میچ کا دورانیہ پانچ دن ہوتا ہے لیکن ایک ٹیسٹ میچ محض پانچ گھنٹے اور 53 منٹ تک جاری رہ کر اختتام پذیر ہوا۔ جنوبی افریقہ اور آسٹریلیا کے مابین ہونے والے جنوبی افریقہ کی ٹیم پہلی اننگز میں محض 38 رنز بنا کر آؤٹ ہوئی۔ جواب میں آسٹریلیا نے 153 رنز بنائے۔ دوسری اننگز میں افریقی ٹیم پھر45 رنز بنا کر آؤٹ ہوگئی۔ یوں یہ ٹیسٹ میچ دنیا کا مختصر ترین ٹیسٹ میچ ثابت ہوا۔