جنید جمشید سے ملاقات

 "

جب وہ سے ثناخواں بنا"

طارق جمیل صاحب فرماتے ہیں!
پہلی بار جب جنید جمشید  سے ملاقات ہوئی تو کہنے لگا!
مولانا صاحب! دولت ' حسن اور دنیا کی رنگینیاں میرے گرد رقص کررہی ہیں مگر مجھے دل کا سکون نہیں ملتا'بے چین رھتا ہوں'یوں لگتا ھے جیسے میں وہ کشتی ہوں جسکا کوئی کنارہ نہیں ھے' ایسا کیوں ھے؟
مولانا نے فرمایا! دیکھو جنید درد دائیں گھٹنے میں ھے دوا بائیں گھٹنے پہ لگاو گے تو درد ختم نہیں ھوگا'درد روح کا ھے اور تم دوا جسم کو دے رھے ہو' یہاں سے جنید کی زندگی میں انقلاب آیا پھر چند دن بعد مجھے جنید جمشید کی کال آئی!
کہا مولانا صاحب آج ایک پرانی مسجد کی ٹوٹی ھوئی چٹائی پہ لیٹا ھوں'خدا کی قسم بڑے محلات میں جو نہیں ملا وہ سکون آج یہاں محسوس کررھا ہوں-میں آج بہت خوش ھوں-
آہ وہ تو بہت خوش ھوکر گیا مگر کروڑوں دلوں کو جدائی کا درد دے گیا-
انا للہ وانا الیہ راجعون
اللہ پاک جنید بھائی کو اپنی رحمت میں جگہ دے- آمین.

دلچسپ کرکٹ ریکارڈز

کچھ ایسے دلچسپ کرکٹ ریکارڈز جو شاید کبھی نہ ٹوٹ پائیں
اس میں کوئی شک نہیں کہ دوسرے کھیلوں کی طرح کرکٹ بھی اعداد و شمار اور ریکارڈز کا کھیل ہے۔ بہت سے ایسے معروف ریکارڈز بھی ہیں جو ناقابل تقلید ہیں اور شاید وہ کبھی نہ ٹوٹ پائیں۔ ۔

ون ڈے کی بہترین کفایتی باؤلنگ 

1992ء میں سڈنی کے مقام پر پاکستان کے خلاف ویسٹ انڈیز کے سمنز نے دس اوور کروائے۔ آٹھ میڈن رہے جبکہ تین رنز دیکر انہوں نے چار کھلاڑی آؤٹ کیے۔ یہ کسی بھی ون ڈے میچ کی سب سے زیادہ اکنامک باؤلنگ ی ریٹ ہے۔ قیاس ہے کہ یہ ریکارڈ بھی کبھی ٹوٹے گا نہیں۔
بہترین باؤ لنگ ایکوریسی
یہ بالکل ایک حیران کن ریکارڈ ہے کہ ویسٹ انڈیز کے مائیکل ہولڈنگ نے 5473 گیند یعنی 900 سے زائد ایسے اوور کروائے ہیں جن میں ایک بھی وائیڈ بال شامل نہیں۔ یہ اوورز زیادہ تر ون ڈے میچز کے ہیں۔ مائیکل ہولڈنگ کی بالنگ میں رفتار اور ایکوریسی ہمیشہ دوسروں کیلئے قابل تقلید رہی ہے۔ موجودہ باؤلرز کی کارکردگی کو دیکھتے ہوئے یہ کہا جا سکتا ہے کہ مائیکل ہولڈنگ کا یہ ریکارڈ شاید کبھی نہ ٹوٹ پائے۔
بڑے مارجن سے شکست ( بہت ہی حیران کن ۔۔۔ایسا بھی ہوتا ہے)
پاکستان کی ڈومیسٹک کرکٹ میں چار دسمبر 1964ء کو پاکستان ریلوے نے ڈیرہ اسماعیل خان کی ٹیم کو ایک اننگز اور851 رنز سے شکست دیکر ایسا ریکارڈ بنایا جو شاید توڑنا ناممکن ہے۔ ریلوے کپتان بشیر حیدر نے ٹاس جیت کر بیٹنگ کا فیصلہ کیا اور چھ وکٹوں پر 910 رنز بنائے۔ جواب میں مخالف ٹیم محض پہلی اننگز میں 32 اور دوسری اننگز میں27 رنز بنا کر آؤٹ ہوگئی۔
سب سے زیادہ مسلسل ٹیسٹ میچز
یہ ایک شاندار ریکارڈ ہے کہ آسٹریلیا کے بہترین کپتانوں میں سے ایک ایلن بارڈر نے 10 مارچ 1979ء سے لیکر 25 مارچ تک مسلسل 153 ٹیسٹ میچ کھیلے ہیں۔ ان کے بعد انہی کے ہم وطن سٹیووا کا نام آتا ہے جومسلسل 107 ٹیسٹ میچ کھیل کر اس ریکارڈ کا حصہ بنے ۔ اس وقت ایلسٹر کک وہ کھلاڑی ہیں جو اس ریکارڈ کو برابر یا توڑ سکتے ہیں۔ ان کی اس وقت عمر 30 برس ہے۔
طویل العمری میں ٹیسٹ ڈیبیو (ڈیبیو کا مطلب اپنا پہلا انٹرنیشنل میچ کھیلنا)
جیمز ساؤتھرٹن نے 49 برس 119 دنوں میں انگلینڈ کی طرف سے ٹیسٹ ڈیبیو کر کے ریکارڈ بنایا۔ وہ ٹیسٹ ڈیبیو کرنے والوں میں سب سے طویل العمر کرکٹر ہیں اور کوئی نہیں کہہ سکتا کہ یہ ریکارڈ ٹوٹ سکتا ہے۔
سیریز میں زیادہ سے زیادہ وکٹیں
لیگ بریک باؤلرز میں سے ایک بہترین نام سڈنی ہارنز ہے ۔ اس نے ایک ٹیسٹ سیریز میں سب سے زیادہ وکٹیں لیکر ریکارڈ بنایا ہے۔ انہوں نے 1913-14 میں جنوبی افریقہ کے خلاف 4ٹیسٹ میچز کی سیریز میں 49 وکٹیں حاصل کی تھیں۔ اس سیریز میں انہوں نے 7 مرتبہ پانچ وکٹ حاصل کیے۔ اس بنا پر مبصرین نے انہیں صدی کا بہترین باؤلر قرار دیا ہے۔ ان کے بعد انگلینڈ کے جم لیکر نے 46 وکٹیں حاصل کیں۔ یہ کارنامہ 1956ء میں آسٹریلیا کے خلاف ایشز سیریز میں انجام دیا تھا۔ ان کے بعد شین وارن کا نام آتا ہے جنہوں نے 2005ء کی ایشنز سیریز میں انگلینڈ کے خلاف 40 وکٹ حاصل کیے تھے۔
پہلے ہی ٹیسٹ میچ میں ڈبل سنچری
ٹیسٹ ریکارڈ کے مطابق کرکٹ کی تاریخ میں صرف ایک مرتبہ ایسا ہوا ہے کہ لارنس اے نے ویسٹ انڈیز کی طرف سے نیوزی لینڈ کے خلاف پہلی اننگز میں 214 رنز جبکہ دوسری اننگز میں 100 رنز بنائے۔ یہ میچ 1971-72 میں کھیلا گیا۔ ان کے بعد پاکستان کے یاسر حمید وہ بلے باز ہیں جنہوں نے پہلے ٹیسٹ میچ کی دونوں اننگز میں سنچریاں بنائیں۔ 2003ء میں بنگلہ دیش کے خلاف پہلے ٹیسٹ کی پہلی اننگز میں 107 اور دوسری اننگز میں 105 رنز بنائے تھے۔
شاندار باؤلنگ، دس وکٹیں صرف دس رنز کے عوض
1932ء میں ناٹنگم شائر کے خلاف معروف کاؤنٹی یارک شائر کے ہیڈلے ورٹی نے دس رنز کے عوض دس کھلاڑیوں کو آؤٹ کر کے تاریخ ساز ریکارڈ بنایا۔ انہیں یہ اعزاز بھی حاصل ہے کہ انہوں نے بریڈمین کو ایک سے زائد بار آؤٹ کیا۔
ایک اننگز میں زیادہ سے زیادہ باؤلنگ
1957ء میں ایجسٹن میں سنی رام دین نے انگلینڈ کے خلاف 588 گیندیں یعنی 98 اوورز کروائے۔ ان کے علاوہ آج تک کوئی بھی باؤلر 90 اوورز سے زائد بائولنگ نہیں کروا سکا۔
مختصر ترین ٹیسٹ میچ
ٹیسٹ میچ کا دورانیہ پانچ دن ہوتا ہے لیکن ایک ٹیسٹ میچ محض پانچ گھنٹے اور 53 منٹ تک جاری رہ کر اختتام پذیر ہوا۔ جنوبی افریقہ اور آسٹریلیا کے مابین ہونے والے جنوبی افریقہ کی ٹیم پہلی اننگز میں محض 38 رنز بنا کر آؤٹ ہوئی۔ جواب میں آسٹریلیا نے 153 رنز بنائے۔ دوسری اننگز میں افریقی ٹیم پھر45 رنز بنا کر آؤٹ ہوگئی۔ یوں یہ ٹیسٹ میچ دنیا کا مختصر ترین ٹیسٹ میچ ثابت ہوا۔

دوسری جنگ

دوسری جنگ عظیم کا مختصر جائزہ جس میں تقریباً 6 کروڑ سے 8 کروڑ لوگ ہلاک ہوئے۔

لیکن یہ دلچسپ بات بہت کم لوگ جانتے ہیں کہ اس جنگ کی وجہ سے ہی پاکستان اور بھارت معرضِ وجود میں آئے تھے۔ کیونکہ

برطانیہ کی معیشت اس جنگ کی وجہ سے کافی کمزور ہو گئی تھی اور وہ جنوبی ایشیاء کے کروڑوں لوگ جو پہلے ہی بپھرے ہوئے تھے کو سنبھال نہیں سکتا تھااور اس جنگ کی وجہ سے بھارت اور اور پاکستان کی آزادی کی راہ ہموار ہوئی ۔جنگ کے عالمی منظر نامے پر دوررس اثرات مرتب ہوئے۔ تاج برطانیہ کا سورج غروب ہوا اور جنگ کے بعد اسے اپنے کئی نوآبادیات میں سے نکلنا پڑا جس میں ہندوستان بھی شامل تھا۔
دوسری جنگ عظیم کے بعد عالمی منظر نامے پر دو بڑی طاقتیں نمودار ہوئیں۔ روس اور امریکا ۔ ان دو بڑی طاقتوں کے درمیان سرد جنگ کا آغاز ہوا۔ جس کی وجہ سے کئی چھوٹی جنگیں لڑی گئیں۔ جدید جمہوری ریاستیں اور کمیونسٹ ریاستیں اس جنگ کے بعد ایک دوسرے کےخلاف برسرپیکار ہوگئیں۔

مختصر جائزہ اس جنگ کا

دوسری جنگ عظیم ( World War II یا Second World War) ایک عالمی جنگ تھی جو 1939ء سے شروع ہوئی اور 1945ء میں ختم ہوئی۔ جس میں تقریباً 6 کروڑ سے 8 کروڑ لوگ ہلاک ہوئے۔

جنگ عظیم کا بیج اسی وقت بو دیاگیا تھا جب معاہدہ ورسائی پر دستخط ہوئے تھے۔ لیکن اس کا باقاعدہ آغاز 3 ستمبر 1939ء کو ہوا جب پولینڈ پر جرمنی حملہ آور ہوا اور برطانیہ نے جرمنی کے خلاف اعلان جنگ کردیا۔ 1918ء سے 1939ء تک کی یورپین تاریخ پر نظر ڈالی جائے تو معلوم ہوتا ہے کہ برطانیہ اس کا خواہاں تھا کہ ہٹلر زیادہ سے زیادہ طاقت پکڑ جائے۔ اسی غرض سے اس نے چیکو سلواکیہ کے حصے بخرے کیے ، اور پھر پورے چیکوسلواکیہ پر جرمنوں کا قبضہ ہونے پر بھی برطانیہ خاموش رہا کہ ہٹلر کی حکومت مضبوط ہو جائے تاکہ وہ روس پر حملہ کرے۔ مگر جب ہٹلر نے روس پر حملہ کرنے کے بجائے پولینڈ پر حملہ کر دیا تو انگریز گھبرا اٹھے اور انھوں نے پولینڈ کی حمایت میں نازی جرمنی کے خلاف تلوار اٹھا لی۔

یکم ستمبر 1939 کو جرمنی نے پولینڈ پر حملہ کیا۔ 3 ستمبر برطانیہ اور فرانس نے جرمنی کے خلاف اعلان جنگ کیا۔ 28 ستمبر جرمنی اور روس میں پولینڈ کی تقسیم کے بارے میں معاہدہ ہوا۔ 30 نومبر کو روس نے فن لینڈ پر حملہ کردیا۔ فنلینڈ پر حملے کے بعد جرمن نے روس کو بھی اپنا دشمن بنا لیا

9 اپریل 1940ء کو جرمنی نے ڈنمارک پر قبضہ کر لیا۔ اور ناروے پر حملہ کیا۔ 10 مئی کو جرمنی نے بلیجیم ، ہالینڈ ، اور لکسمبرگ پر حملہ کیا۔انہی دنوں چرچل وزیر اعظم بنا۔10 جون کو اطالیہ نے فرانس کے خلاف اعلان جنگ کیا۔ 13 جون جرمنی نے پیرس پر قبضہ کر لیا۔ 22 جون فرانس نے ہتھیار ڈال دیے۔ 27 ستمبر کوجرمنی ، اطالیہ ، جاپان کا سہ طاقتی معاہدہ ہوا۔

14 اپریل 1941ء روس اور جاپان نے معاہدہ غیر جانبداری سامنے آیا۔ 22 جون کو روس پر جرمنی نے حملہ کر دیا۔ 25 تا 29 اگست برطانیہ اور روس کا ایران پر حملہ اور قبضہ ہوا۔ 7دسمبر کو جنگ مں اعلان کے بغیر جاپان نے شمولیت اختیار کی۔ 8 دسمبر کو جاپان نے امریکا کے خلاف اعلان جنگ کر دیا۔ 11 دسمبر کو جرمنی اور اطالیہ کی طرف سے امریکا کے خلاف اعلان جنگ کا ہوا۔

26 جولائی 1943ء میں مسولینی کی حکومت کا تختہ الٹ دیاگیا۔ اور وہ گرفتار ہوا۔ 9 ستمبر 1943ء اطالیہ نے اتحادیوں کے آگے ہتھیار ڈال دیے۔مسولینی کو خود عوام نے چوک پر پھانسی دینے کے بعد لاش کو آگ لگادی۔

جون 1944ء اتحادی فوجیں سرزمین فرانس پر اتریں. فرانسیسی فوج نےجرمن فوج سے بری طرح شکست کھای اور ھتھیار ڈال دیے. بعد می سب موت کے گھاٹ اتار دیے گۓ.جرمن کا زوال سٹالن گراڈ کی بھیانک جنگ سے شروع ھوا جرمن فوج بلاشبہ کامیاب تھے لیکن سردی اور برف باری نے ان کی شکست یقینی بنادی. ھزارون فوجی سردی کی وجہ سے ھلاک ھوۓ.سٹالن گرڈ کا قومی ھیرو Vasili Zaistovکو مانا جاتا ھے جوکے بھترین نشانہ باز تھے.

28 اپریل کو مسولینی کو اطالوی عوام نے پھانسی دے دی۔ 30 اپریل کو ہٹلر نے خود کشی کر لی۔ 7 مئی کو جرمنی نے ہتھیار ڈال دیے۔ 6 اگست جو جاپان کے شہر ہیروشیما پر امریکا نے ایٹم بم گرایا۔ 9 اگست کو جاپان کا دوسرا شہر ناگا ساکی ایٹم بم کا نشانہ بنا۔ 14 اگست کو جاپان نے ہتھیار ڈال دیے۔

نتائج:۔۔۔۔۔۔۔

اس جنگ میں 61 ملکوں نے حصہ لیا۔ ان کی مجموعی آبادی دنیا کی آبادی کا 80 فیصد تھی۔ اور فوجوں کی تعداد ایک ارب سے زائد۔ تقریباً 40 ملکوں کی سرزمین جنگ سے متاثر ہوئی۔ اور تقریباً 6 کروڑ سے 8 کروڑ لوگ ہلاک ہوئے۔ سب سے زیادہ نقصان روس کا ہوا۔ تقریباً 2 کروڑ روسی مارے گئے۔ اور اس سے اور کہیں زیادہ زخمی ہوئے۔ روس کے 1710 شہر اور قصبے ۔ 70000 گاؤں اور 32000 کارخانے تباہ ہوئے۔ پولینڈ کے 600،000 ، یوگوسلاویہ کے 1700000 فرانس کے 600000 برطانیہ کے 375000 ، اور امریکا کے 405000 افراد کام آئے۔ تقریباً 6500000 جرمن موت کے گھات اترے اور 1600000 کے قریب اٹلی اور جرمنی کے دوسرے حلیف ملکوں کے افراد مرے۔ جاپان کے 1900000 آدمی مارے گئے۔ جنگ کا سب سے ظالمانہ پہلو ہیروشیما اور ناگاساکی پر امریکا ایٹمی حملہ تھا۔ جاپان تقریباً جنگ ہار چکا تھا لیکن دنیا میں انسانی حقوق کے ٹھیکے دار امریکہ نے اپنی طاقت کا مظاہرہ کرنے کے لیے لاکھوں لوگوں کو موت کے گھاٹ اتار دیا۔